Kultivuan rreth 3 mijë rrënjë kanabisi me vlerë 2 milionë paund: Arrestohen 2 shqiptarët

Google+ Pinterest LinkedIn Tumblr +

Dy shqiptarë kanë dalë ditën e djeshme para Gjykatës së Chelmsford, ku dhe kanë pranuar se janë pjesë u kultivimit të 3000 rrënjëve të kanabisit.

Sipas mediave britanike, bëhet fjalë për Emiljan Gjura, 31 vjeç dhe Ermir Reshiti, 35 vjeç, të cilët u arrestuan në Grainger më 20 prill, pasi policia ka gjetur lëndë narkotike, vlera e të cilave kalonte 2 milionë paund.

Mësohet se fermat e kanabisit ishte vendosur vetëm rreth 300 metra larg komisariatit të Policisë.

Gjura dhe Reshiti jetonin në ndërtesën, ku kultivohej kanabisi, teksa mësohet se kanë mbërritur në Mbretërinë e Bashkuar rreth pesë muaj më parë.

Gjura është shprehur se kishte shkuar në Britani për të kërkuar punë për të ndihmuar gruan dhe vajzën e tij që ndodhen në Shqipëri, por ishte “shfrytëzuar” prej statusit të tij të emigrantit.

Seanca e radhës do të zhvillohet më 22 qershor dhe deri atëherë ata do të qëndrojnë në paraburgim.

Kujtojmë se në një raport të publikuar nga Ministria e Drejtësisë britanike rezulton se shqiptarët janë nacionaliteti i parë me më shumë të burgosur krahasuar me nacionalitetet e huaja.

Referuar të dhënave të raportit, numri i shqiptarëve në burgjet britanike është rritur 4-fish në raport me vitin 2013, duke përbërë një të dhjetën e personave me shtetësi të huaj në Angli dhe Uells.

LEXO: Burgjet angleze ‘mbipopullohen’ nga shqiptarët, ja krimet që bëjnë më shpesh 

Shpërndaje
Share.

Komento