Dy shtetas, babë e bir, janë arrestuar nga Policia e Tepelenës pasi u kapën në flagrancë duke kultivuar bimë narkotike të llojit Cannabis Sativa në një parcelë pranë banesës së tyre në fshatin Mezhgoran.
Operacioni u zhvillua në kuadër të planit kombëtar “Koordinata”, i cili synon identifikimin dhe çrrënjosjen e rasteve të kultivimit të paligjshëm të drogës.
Të arrestuarit janë identifikuar si M. C., 64 vjeç dhe E. C., 35 vjeç. Gjatë operacionit, uniformat blu gjetën gjithsej 194 bimë narkotike, një pjesë e të cilave u sekuestrua si provë materiale, ndërsa pjesa tjetër u asgjësua me djegie në vendin e ngjarjes.
Materialet procedurale janë dërguar pranë Prokurorisë së Gjykatës së Shkallës së Parë të Juridiksionit të Përgjithshëm Gjirokastër, që do të vijojë hetimet për veprime të mëtejshme ligjore.
