Kulluri ironizon mbledhjen e Bashës: I ka mbetur ora te shoku Enver, bëjnë muhabete kafenesh

Google+ Pinterest LinkedIn Tumblr +

Ditën e djeshme, kreu i PD, Lulzim Basha mblodhi kryesinë e partisë.

Gjatë mbledhjes u diskutuan hapat e ardhshëm të aksionit opozitar.

Ndërkohë një figurë mjaft kritike e Bashës, Edvin Kulluri, ka vijuar me pakënaqësitë ndaj kreut të PD.

Ish-anëtari i Këshillit të PD, nëpërmjet një postimi në Facebook, është shprehur se disa prej ish-deputetëve flisnin për të thelluar luftën kundër armiqve të brendshëm.

Më tej ai ka ironizuar debatin, duke e krahasuar me muhabete kafenesh.

Kulluri tha gjithashtu se aksioni i Bashës i ngjan revolucionit proletar, i cili edhe po u shty nuk ka problem.

Ndër të tjera ai përmendi edhe premtimet e pambajtura të kreut të PD për bllokimin 30 qershorit, apo se nuk do të kishte zgjedhje me Ramën.

Postimi i plotë

Ku e katandise partine! Dje ne mbledhje me ish deputetet(nuk e di kush se cfare forumi statutor perfaqesojne), ca flisnin per te thelluar luften kunder “armiqve te brendshem” qe qenkan “infiltruar” qe ne 2009, ndersa kryetari citon Hegelin, ose babain shpirteror te Marksit! Bir Selmani nenes, ke te qash me pare! Njerit i ka mbetur ora te shoku Enver, kurse te tjeret citojne filozofe nga muhabete kafenesh. Sic e ka thene vete shoku Ajnshtajn, “universi dhe budallalleku njerezor s’kane kufij”! Perpara me “revolucionin proletar” drejt fitores se 2020 ose 2021! Edhe po u shty per 2025 s’ka problem! Rendesi ka te fitoje revolucioni. Por meqe u mblodhen, a pyeti njeri c’u be me bllokimin e zgjedhjeve te 30 qershorit dhe “s’do kete zgjedhje me Edi Ramen”, apo u harruan prape fitoret?! Zoti na i shtofte!

Shpërndaje
Share.

Komento