Një automjet tip kamion ka dalë nga rruga pasditen e kësaj të hënë në Kukës dhe ka përfunduar në liqen.
Policia bën me dije se ngjarja ka ndodhur në rrugën e vjetër të Kukësit, te Ura e Kolshit dyshohet se shtetasi F.Ll., rreth 37 vjeç, duke drejtuar mjetin tip kamion, ka dalë nga rruga dhe ka rënë në liqen.
Ndërkohë mësohet se për nxjerrjen e trupit të 37 vjeçarit po punojnë Polumbarët e Reneas.
Kukës/ informacion paraprak.
Në rrugën e vjetër të Kukësit, te Ura e Kolshit dyshohet se shtetasi F.Ll., rreth 37 vjeç, duke drejtuar mjetin tip kamion, ka dalë nga rruga dhe ka rënë në liqen.
Për gjetjen e trupit janë angazhuar menjëherë Polumbarët e Reneas, si dhe shërbimet e Policisë.
Grupi hetimor ndodhet në vendngjarje.
Ndërkohë një tjetër ngjarje e rëndë ka ndodhur gjatë ditës së sotme në fshatin Bardhoc të Kukësit.Mësohet se një 16-vjeçar është mbytur në një liqen, në vendin e quajtur Hani i Lacit.
