Ku do bëhet gjyqi për kufirin detar? Ministri i Jashtëm i Greqisë, Nikos Dendias e caktoi vendin, në Hagë. Ndërsa kryeministri ynë u shpreh se kjo çështje do të gjykohet nga Gjykata Ndërkombëtare. Por ku është gjykata, pse u shpreh ministri grek për Hagën?
Në konferencën e përbashkët me kryeministri Rama, sa i takon marrëdhënieve bilaterale, Dendias tha se do përballojmë sfida, jemi gati për çdo përpjekje, me besim si i shkon përshtat vendeve europiane në dobi të vendeve tona. Integrimi dhe hyrja e Shqipërisë në BE është objektiv ynë.
“Dëshiroj të theksoj se Greqia, përmes axhendës së Selanikut ka mbështetur integrimin e vendeve të Ballkanit perëndimor. Edhe me kryeministrin edhe me Cakajn kishim një tematikë shumë të gjerë diskutimesh, mes tyre për çështjen e detit. Zgjidhja e kësaj divergjence do jetë e dobishme për të dy vendet. Zgjidhja do ketë si bazë marrëveshjen e OKB. Jam i lumtur për këtë gjë, duke analizuar këtë çështje, kemi rënë dakord të kalojmë së bashku në të drejtën ndërkombëtare në Hagë. Kjo marrëveshje mbështetet në një qëndrim të të dy vendeve në legalitetin e përbashkët për çdo divergjencë. U referuam në marrëveshja e 1996-s ka nevojë për një thellim e dinamizëm. Të bëjmë një mbledhje qeveritare e të krijojmë një mekanizëm mes dy vendeve mike. “ u shpreh Dendias.
Gazeta Reforma konsultoi, Konventën Ndërkombëtare të Detit, ku Shqipëria është palë dhe rezulton që gjykata ku duhrt të shkojmë me Greqinë ndodhet në Hamburg dhe jo në Hagë. Ministri me sa duket e ka përmendur Hagën referuar çështjes së Kanalit të Korfuzit që ka gjykuar incidentin ku u dëmtuan nga minat dy anije britanike dhe u vranë e plagosën ushtarakët. Çdo referencë me këtë proces do të thoshte ngatërresë me qëllim të keq për Shqipërinë.
Sipas Konventës, në aneksin VI Mbi statusin e Gjykatës Ndërkombëtare “Mbi të Drejtën e Detit”, shkruhet: ”Selia e Gjykatës do të jetë në Qytetin e Lirë dhe Hanseatik të Hamburgut në Republikën Federale të Gjermanisë”.
/GazetaReforma.com/
