Kryen manovra të çuditshme, shqiptarët kapen me 160 mijë euro drogë

Google+ Pinterest LinkedIn Tumblr +

Dy shqiptarë kanë rënë në prangat e policisë italiane në Catania.

Ata u kapën në flagrancë, teksa transportonin 70 kg hashash, në një automjet tip “BMW”, që sapo kishte zbritur nga trageti.

Të arrestuarit janë 33-vjeçari, Beshir Doraci dhe 28-vjeçari, Leonard Xhafa.

Sipas mediave italiane, Doraci ishte pronari i makinës, ndërsa ishte dënuar edhe më parë.

Agjentët e policisë italiane kishin ndjekur lëvizjet e dy shqiptarëve.

Këto të fundit ishin nisur nga Messina për në Catania, por gjatë rrugës bënë manovra të dyshimta në autostradë.

Droga e sekuestruar ishte e ndarë në 22 pako dhe kishte një vlerë prej 80 mijë eurosh.

Nëse do të hidhej në treg, hashashi do të sillte fitime prej 160 mijë eurosh.

Shpërndaje
Share.

Komento