Pak minuta më parë me anë të një videoje live në Facebook, kryeministri Edi Rama ka ndarë me qytetarët më shumë informacione rreth strategjisë së rihapjes së vendit.
Kreu i qeverisë bëri me dije se hapja nuk do jetë njësoj në të gjithë vendin, pasi zonat me më pak risk do të hapen më shpejt dhe e anasjellta, ndërsa për Tiranën e Durrësin foli për lehtësim të moderuar.
Ndër të tjera, Rama ka treguar se ka zhvilluar një bisedë telefonike me homologun e tij grek Kyriakos Mitsotakis, me të cilin tha se ka biseduar për shumë cështje të mprehta në këtë kohë pandemie, duke shtuar se bashkëpunimi me Greqinë është një domosdoshmëri, aq më tepër që në shtetin grek ka shumë shqiptarë që punojnë e jetojnë.
Kështu, ai deklaroi se u dakordësuan që të shohin problemin e lëvizjes së punonjësve sezonale sipas kalendarit të fazës së dytë dhe për nevojën reciproke që ti çelet rrugë rreth mesit të muajit maj.
“Sot patëm një diskutim mbi strategjinë e fazës së dytë. Më parë u informoj se pas konsultimeve me miq dhe kolegë kam pasur një bashkëbisedim me kryeministrin grek për fazën e dytë. Diskutuam mbi rezultatet e deritanishme, strategjinë e testimit, lehtësimin e masave, planin e hapjes së sezonit dhe interesin reciprok për punësimin sezonal. E falenderova me gjithë zemër mikun grek për ata punonjës sezonal që mbetën matanë kufirit, por nuk u trajtuan si shkelës të afateve. Dakordësuam që të shohim problemin e lëvizjes së punonjësve sezonale sipas kalendarit të fazës së dytë dhe për nevojën reciproke që ti çelet rrugë rreth mesit të muajit maj” tha Rama.
Gjithashtu, kryeministri ka paralajmëruar sipërmarrësit se me ndryshimet në Kodin Penal do të rrezikojnë burgun nëse nuk zbatojnë masat e qeverisë për bizneset që do të lejohen të hapen, teksa u bëri thirrje të mos nxitojnë “të ngrenë qepenin”, pa marrë më parë vërtetimin për hapjen e aktivitetit të tyre dhe pa zbatuar me përpikmëri protokollin e sigurisë.
E dyta, folëm në qeveri për domosdoshmëri për zbatimin e protokelleve për bizneset. Do vazhdojmë të hapim aktivitetin ekonomik. Me hyrjen në fuqi të masave të reja, nën kodin penal, për të cilat janë dakort edhe qeveria edhe presidenti. Dhe këtë e them që ta kuptoni rëndësinë e këtyre masave, kur e mbështesin dy palë që vijnë nga një konflikt. Një trim që deri më sot hapte lokalin e lagjes kapej gjobitet dhe mbyllet, tani jo vetëm gjobitet, por i sekuestrohet malli dhe përfundon pas hekurave. Sot nuk shkohet më në punë si dje, për të hapur dyqanin dhe për të bërë lekë, por edhe për të mbrojtur shëndetin. Fasonët nuk ja hedhin dot më me gjoba dhe mbyllje aktiviteti, mund të përfundojnë pas hekurave për përhapjen e pandemisë, me pasojë larg qoftë vdekje. Mos i hapni bizeset pa marrë autorizimin në portalin më të urryer e-albania, dhe pa respektuar rpotokollet. Nëse nuk gjendet në biznesin tuaj protokolli dhe vërtetimi, nuk ka lalfe. Në e-albania mos harroni të merrni edhe autorizimet për lëvizjen e mjeteve për punë. Gjithsesi deri kur të kemi funksionalitet të plotë dhe për fashat jashtë orare, mbeten në fuqi edhe autorizimet nga policia e shtetit.
https://www.facebook.com/edirama.al/videos/244138400373415/
