Kriza politike/ Panariti: Ndërkombëtarët të ndërhyjnë, duhet “një palë” mbi palët për dialog

Google+ Pinterest LinkedIn Tumblr +

Kriza që ka kapluar vendin duket se është kthyer në shqetësim real. Pothuajse të gjitha palët janë duke kërkuar dialog, por asnjëra prej tyre ende nuk është ulur në tavolinë.

Basha deklaron se është i gatshëm për dialog, por pa Ramën kryeministër, ndërkohë që vet Rama shpërndan thirrje “ kur do flasim”, mirëpo ka edhe mendime të treta që thonë se në këtë situatë nevojitet një “palë tjetër” mbi palët aktuale.

Edmond Panariti ka kërkuar ndihmën pikërisht e kësaj pale të tretë duke iu referuar kështu ndërkomvëtarëve, për t’i dhënë drejtim çështjes dhe njëhkoshisht qetësi politikës.

“Kush do t’i “negocioje” negociatat? Dialogu politik dhe bashkëpunimi pozite opozitë, është bazamenti dhe kryekushti për vlefshmërinë e reformave të lidhura me kriteret për hapjen e negociatave për në BE. Kjo dihet! Por ky dialog nuk ekziston, prandaj bisedimet për antaresim nuk hapen! Sepse opozita është e detyruar të dale në rrugë, ndersa qeveria është e bunkerizuar në një “status- quo” sa absurde aq dhe degraduese. Pra pyetja që shtrohet është se kush do ti negocioje “negociatat”, për rivendosjen e demokracise funksionale pluraliste? Kush do të negocioje daljen nga farsat e përcaktuara si “teknikisht” ligjore por që janë “de facto” moniste dhe shtypese? Kush do të negocioje daljen nga “absurdi” dhe hyrjen në normalitet! Askush tjeter, përveç një palë “mbi palet” dhe me besimin e palëve. Këtë kërkon opozita me qeverinë kalimtare. Sa për negociatat për në BE, të cilat janë në thelb teknike , ato edhe sikur të hapeshin nuk ka kush i negocion më, sepse nuk ka negociatore! Negociatoret teknike na kane lene , ata nuk i ke më në administrate sepse janë larguar si pjesë e “reformave” , shkruan Panariti.

Kjo deklaratë vjen pak pas deklaratës së Johann David Ëadephul (CDU), si edhe raportuesi për Shqipërinë në Komisionin e Bundestagut për Çështje të Jashtme, Christian Schmidt (CSU), nga partitë simotra me Partinë Demokratike të Shqipërisë kanë ofruar ndihmën e tyre për kapërcimin e krizës.

 

Shpërndaje
Share.

Komento