Presidenti i Republikës së Armenisë, Armen Sarkisian, ka dhënë dorëheqjen pas debateve të vazhdueshme me kryeministrin Nikol Pashinian.
Sarkisian theksoi në deklaratën e tij se motivi kryesor i dorëheqjes së tij është hapësira e pakët që i lejon Kushtetuta funksionit të Presidentit për të ndikuar në vendimmarrje.
“Kam menduar për një kohë të gjatë, kam vendosur të largohem nga posti i presidentit të Republikës së Armenisë duke punuar në mënyrë aktive në 4 vitet e fundit. çështja që mund të ngrihet është se pse presidenti dështoi të ndikojë në ngjarjet politike që çuat në krizën kombëtare.
Arsyeja është e qartë sërish, mungesa e mjeteve të përshtatshme të Kushtetutës. Rrënjët e këtij konflikti fshihen në Ligjin Themeltar aktual”, shkruhet në faqen zyrtare të Presidencës së Armenisë.
Përplasja me Sarkisian dhe kryeministrit Pashinian nisi me shkarkimin e kreut të forcave të armatosura të republikës transkaukaziane.
Në vitin 2015, Armenia votoi pro ndryshimit të sistemit të qeverisjes nga republikë parlamentare në republikë presidenciale.
Kujtojmë se javën e kaluar, Shefi i Shtabit të Përgjithshëm të Armenisë i bëri thirrje Kryeministrit Nikoll Pashinyan të japë dorëheqjen. Nga ana tjetër, Pashinyan, e cilësoi këtë situatë si një “tentativë grushtishteti” dhe u përpoq të shkarkonte nga detyra Shefin e Shtabit dhe u kundërpërgjigj duke i bërë thirri njerëzve për të dalë në rrugë. Mbështetësit e qeverisë dhe grupeve të opozitës filluan të mblidheshin njëkohësisht në kryeqytetin Erevan. Ndërkaq Presidenti i Armenisë nuk e miratoi shkarkimin e shefit të shtabit, dhe Pashinyan tha se në këtë rast edhe presidenti do të përfshihej gjithashtu në “tentativën për grushtshteti”.
