Kriza politike në vendin tonë vazhdon që të shkaktojë shqetësim dhe këtë herë ka reaguar edhe ambasadori bullgar, Momtchil Stoyanov Raytchevski.
Ambasadori ndodhet në Devoll dhe prej andej ka dhënë mendimin e tij për gjithë situatën e krijuar, për të cilën ka thënë se është vështirë.
“Është një pyetje që shqetëson Shqiptarët,vendimet ne BE merren nga të gjitha vendet anëtare,situata politike në vendin tuaj është e ndërlikuar, ne e ndjekim se çfarë po ndodh edhe ju vete e shihni se kolegët e mi nga vendet anëtarë të BE japin mendimet e tyre për atë që ndodh në vend,akoma ka kohë, ka edhe kritere.
Shqipëria ka detyrat e veta që duhet të plotesojë,të shohim raportin e Komisionit Evropian dhe çdo gjë është në duart e qeverisë shqiptare dhe në duart e shtetit shqiptar. Unë jam optimist.”-u shpreh ai.
