Mëngjesi i sotëm ka nisur me të shtëna armësh në Lezhë. Një person është plagosur me armë zjarri në kodër të fshatit Balldren.
Nga të shtënat ka mbetur i plagosur me dy plumba në bark, shtetasi Hil Gjini.
Burime paraprake nga policia bëjnë me dije se autori i dyshuar i ngjarjes është shtetasi Gj.Gj., banor i fshatit Balldren.
Sipas banoreve, Hila sapo kishte dalë nga shtëpia për të dërguar fëmijët në shkollë, ndërsa është përballur me një bashkëfshatar të tijin, i cili e ka qëlluar me dy plumba në bark.
Gjatë gjithë kohës Hil Gjini ka qëndruar në automjetin e tij me fëmijët dhe bashkëshorten, deri sa ka mbërritur policia dhe autoambulanca.
I plagosuri është dërguar në spitalin e Lezhës në gjendje të rëndë.
/GazetaReforma.com/
