Kreu i SPAK, Altin Dumani, ka konfirmuar praninë e grupeve kriminale shqiptare në vendet e Amerikës Latine, duke përmendur konkretisht Ekuadorin, gjatë fjalës së tij në Komisionin e Monitorimit të AP të Këshillit të Europës.
Dumani theksoi se bashkëpunimi me këto vende është sfidues, por SPAK ka arritur të ndërtojë kontakte dhe të shkëmbejë informacione për të hetuar krimin e organizuar.
“Kemi ndihmuar autoritetet e Ekuadorit në hetimet që ata po zhvillojnë ndaj grupeve kriminale shqiptare, duke bashkëpunuar gjithashtu me Brazilin, Argjentinën, Kolumbinë dhe vende të tjera të rajonit,” tha Dumani, duke nënvizuar rëndësinë e përpjekjeve ndërkombëtare për të luftuar krimin e organizuar.
