Një krim i rëndë tronditi një javë më parë Kavajën.
Shefi i sigurisë së burgut të Durrësit, Bledar Toçi, vrau me armën e shërbimit, Dritan Haxhollin, ndërsa vetë mbeti i plagosur.
Ngjarja u regjistrua në shtëpinë e Marsida Qatjas.
Toçi më pas shkoi me makinën e tij në spital, ku mori edhe ndihmën e parë.
Nga spitali atij iu komunikua edhe masa e arrestit me burg.
“Faxweb” shkruan, se Toçi ka lënë ditën e sotme reanimacionin, për të kaluar te reparti i Infektivit.
Pas përmirësimit të gjendjes shëndetësore, ai do të dërgohet në paraburgim.
Gjykata e Kavajës ka caktuar për Toçin dhe vëllain e tij masën e sigurisë ‘Arrest me burg’.
Këtij të fundit policia i gjeti disa doza kokainë në shtëpi.
