Ministri serb i Mbrojtjes Aleksandër Vulin ka reaguar menjëherë pas deklaratës së kryeministrit Edi Rama se “porti i Durrësit do të jetë i Kosovës” .
Vulin tha se Rama do të vazhdojë planin e tij për krijimin e një “Shqipërie të Madhe” dhe se, si çdo herë deri më tani, Bashkimi Europian do të heshtë dhe nuk do të bëjë asgjë.
“Shqiptarët mund të bashkohen dhe mund të marrin territoret e njerëzve të tjerë dhe serbët nuk mund të bashkohen as në tokën e tyre, kështu që përsëritet gënjeshtra se “Shqipëria e Madhe” është një Shqipëri e natyrshme dhe serbët e bashkuar në një shtet janë një kërcënim për paqen.
“Shqipëria e Madhe” është një lajm i një katastrofe të madhe, prishjes dhe shkatërrimit të shteteve dhe kombeve në Ballkan. Vetëm serbët e bashkuar mund të ndalojnë “Shqipërinë e Madhe” dhe sa më shpejt të bashkohemi institucionalisht, aq më shpejt do të fillojë koha e paqes në Ballkan” tha ai.
