Kreu i Komisionit të Prokurimeve Publike, Jonaid Myzyri, është paraqitur mëngjesin e sotëm në ambientet e Prokurorisë së Posaçme kundër Korrupsionit.
Ai mbërriti rreth orës 08:50 dhe hyri në godinë pa dhënë asnjë deklaratë për mediat.
Ende nuk është bërë e ditur arsyeja e kësaj paraqitjeje në SPAK, ndërkohë që procedura për zëvendësimin e tij ka nisur që në janar të këtij viti, por vijon të mbetet pezull.
Më herët, GJKKO ka urdhëruar hetimin e Jonaid Myzyrit, katër anëtarëve të Komisionit të Prokurimeve Publike, si dhe të ish-ministrit Ilir Beqaj dhe ish-guvernatorit Shkëlqim Cani, në kuadër të një çështjeje që lidhet me dyshime për shkelje në proceset e prokurimeve publike.
