Kreu i Autoritetit Rrugor Shqiptar (ARRSH), Gentian Gjyli, është marrë zyrtarisht i pandehur nga Prokuroria e Posaçme Kundër Krimit të Organizuar dhe Korrupsionit (SPAK).
Gjyli u paraqit paraditen e sotme në ambientet e SPAK në shoqërinë e avokatit të tij mbrojtës, ku iu komunikua zyrtarisht akuza. Lajmi është konfirmuar nga përfaqësuesi i tij ligjor pas daljes nga seanca.
Hetimet ndaj Gentian Gjylit lidhen me procedurat e tenderit për ndërtimin e tunelit të Llogarasë, një projekt i rëndësishëm infrastrukturore për të cilin pak ditë më parë u mor e pandehur edhe zv/kryeministrja dhe ministrja e Infrastrukturës dhe Energjetikës, Belinda Balluku.
SPAK po vijon hetimet për këtë dosje, që përfshin dyshime mbi shkelje të barazisë në tendera dhe abuzime me fondet publike.
