Ish-kryeministri i vendit, Sali Berisha ka uruar të gjithë shqiptarët për këtë ditë të parë të vitit 2024.
Për rrjeteve sociale, ai ka ndarë një foto nga shtëpia e tij së bashku me bashkëshorten, Liri Berisha, duke shkruar: “Gëzuar miq. Shqipëria u gdhi sot si Bjellorusia! Por, Viti i Ri është fillim i ri, shpresë e re. Betejë pa kthim. Fitore.”
Kujtojmë se edhe dje ai uroi shqiptarët duke thënë se viti 2023 ishte një vit ku vendi ynë humbi pluralizmin politik.
Ndërkohë këto ditë e kanë gjetur Berishën në arrest shtëpie që pas vendimit të GJKKO-së, pasi akuzohej për korrupsion pasiv për çështjen e privatizimit të ish-kompleksit Partizani.
