Komisoni Rregullator ka ulur fashën orare për publikimin e rezultateve të votimit për zgjedhjet e 25 prillit gjatë mbledhjes së sotme. Me votë unanime u vendos 5-0 u vendos që KZAY-të në të gjithë vendn duhet të kenë nxjerrë rezultatin para orës 08:00 të datës 26 prill, pra ditën e nesërme të zgjedhjeve. Propozimi erdhi fillimisht nga anëtari Arnes Cela, ndërsa edhe për kryetaren Ilirjana Nano, ky orar i vendosur do i vinte në ndihmë KZAZ-ve që të menaxhojnë më mirë punën e tyre.
Në propozimin e miratuar thuhet se gjatë natës ambienti vëzhgohet nga kamerat që regjistrojnë dhe transmetojnë pamjet në serverin e KQZ.
“Pas dorëzimit nga KQV pranë KZAZ të pajisjeve dhe materialeve përkatëse, KZAZ mbyll ambientet ku do të kryhet numërimi. Rezultati do të shpallet të nesërmen e ditës së votimit, pra në orën 08:00. Gjatë natës ambienti vëzhgohet nga kamerat të cilët sigurojnë regjistrimin dhe transmetimin e pamjeve gjatë gjithë kohës në serverin e KQZ-së. KQZ-ja u mundëson subjekteve zgjedhore me kërkesë të tyre të shikojnë nga pajisjet e tyre pamjet e ambientit ku ruhen materialet zgjedhore”, thuhet në propozimin e miratuar sot.
Afati që KZAZ-të kanë pasur në zgjedhjet e kaluara ka qenë deri në orën 00:00 të ditës së nesërme të votimit, ndërsa vendimi i ri e afron këtë afat.
Në zgjedhjet e 25 prillit janë në garë 13 parti dhe koalicione, ndërsa në fletën e votimit kandidatët do të shënohen me numra e jo me emra.
