Komisioni Qendror i Zgjedhjeve (KQZ) ka nisur procesin e certifikimit të subjekteve politike dhe kandidatëve për deputetë për Zgjedhjet e Kuvendit të Kosovës, të cilat do të mbahen më 9 shkurt 2025.
Sot, KQZ miratoi certifikimin e grupit të parë prej 11 subjekteve politike, të cilat paraqitën gjithsej 606 kandidatë për deputetë. Gjatë periudhës së aplikimeve, për certifikim dhe dorëzim të listave të kandidatëve për Zgjedhjet e Kuvendit të Kosovës, kanë aplikuar gjithsej 28 subjekte politike. Nga këto, 20 janë parti politike, 5 koalicione, 2 nisma qytetare dhe 1 kandidat i pavarur.
Në total, numri i kandidatëve për deputetë që përfaqësojnë këto subjekte është 1,280.
