Ditën e sotme Kosova dhe Izraeli zyrtarizuan mardhëniet diplomatike ne një ceremoni virtuale. Qëllimi i këtij akti është rritja e bashkëpuniit në më shumë fusha me dy vendeve. Në ceremoni nuk ka qenë e pranishme presidentja e Republikës së Kosovës, Vjosa Osmani, por ajo ka reaguar me një komunikatë për media. Deri tani nuk dihen arsyet pse Osmani nuk ka qenë e pranishme, por në ceremoni ishte vetëm këshilltari i saj, Faton Peci. Ndërkohë, nuk kanë munguar në rivendosjen e marrëdhenieve figura të tjera që janë parë edhe duke festuar me flamuj të Kosovës dhe Izraelit, por edhe flamurin e SHBA-së. Ndër to kanë qenë kryeministri në detyrë, Avdullah Hoti, ambasadori amerikan, Philip Kosnett, ministrja në detyrë e Punëve të Jashtme, Meliza Haradinaj-Stublla.
Komunikata për shtyp e Vjosa Osmanit para ceremonisë:
“U.d. Presidentja e Republikës së Kosovës. Dr.Vjosa Osmani përshëndetë aktin e lidhjes së marrëdhënieve diplomatike ndërmjet Republikës së Kosovës dhe shtetit të Izraelit, ceremoni kjo që pritet të mbahet sot. Marrëdhëniet ndërmjet dy popujve tanë kanë qenë historikisht të fuqishme e të bazuara në solidaritet dhe miqësi. Akti i lidhjes së marrëdhënieve diplomatike hapë rrugën për thellimin e bashkëpunimit dypalësh ndërinstitucional si dhe në fusha të tjera të interesit të përbashkët”, thuhej në komunikatën e presidentes.
