Qeveria po vijon me marrjen e masave për të ndaluar përhapjen e koronavirusit.
Këshilli i Ministrave ka marrë sot vendimin, për të lënë pushim njërin nga prindërit që ka fëmijën në shkollë dhe punon në shtet.
Mësohet se pushimi do të zgjasë deri më datë 23 mars.
Në vendimin e qeverisë, thuhet se kjo kërkesë do t’u shtrohet edhe sipërmarrësve privatë.
Ditën e djeshme ndërkohë, qeveria vendosi të mbyllë shkollat deri më datë 3 prill, si dhe të ndalojë të gjitha aktivitetet.
Sot ndërkohë u vendos edhe ndërprerja e udhëtimeve me Italinë, përjashto këtu transportin e mallrave.
Aktualisht në vendin tonë janë shënuar 10 raste me koronavirus, ndërsa janë testuar 114 persona.
Dy rastet e para u zbuluan në orët e vona të së dielës, ndërsa numri i të dyshuarve ka ardhur në rritje.
Ministria e Shëndetësisë u ka bërë apel qytetarëve, që të zbatojnë të gjitha masat e njoftuara.
