Ditën e sotme kancelarja e Gjermanisë Angela Merkel zhvilloi një konferencë të jashtëzakonshme për mediat, ku gazetarët ishin ulur në distancë dhe me mjete mbrojtëse, teksa Merkel foli rreth situatës në vend.
“Do isha një kancelare e keqe nëse rrisja shpresat e rreme.. Nuk është ende momenti për të folur për lirinë.”
Sipas Institutit ‘Robert Koch’, kurba në Gjermani po bie lehtësisht, teksa masat e marra për parandalimin e përhapjes së koronavirusit janë parashikuar të zgjasin deri më 19 prill.
Mirëpo, Merkel nuk dha shpresa për një kthim gradual në jetën e përditshme , por u shpreh se:
” Numri i infeksioneve duhet të zvogëlohet në atë masë që të jetë e sigurt se sistemi shëndetësor nuk do të mbingarkohet. Do të ketë një paketë kriteresh që duhet të vlerësohen para një vendimi të tillë. Ne vazhdojmë të jetojmë në pandemi. Sigurisht, qeveria federale po mendon intensivisht për të – dhe do të jetë një qasje hap pas hapi. Gjëja më e keqe do të ishte të urdhërosh një lirim dhe më pas të duhet ta kthesh kur të kishte më shumë vdekje”.
Merkel siguroi që sapo të lehtësohej gjendja, jeta publike do të kthehej në gjendjen ku ndodhej para krizës, “por gjithmonë duhet të keni kujdes nëse jeta e njeriut është në rrezik”, teksa përsëriti falënderimet e saj për shumë njerëz i ndiqnin “këto rregulla shumë, shumë të vështira duke shpëtuar jetë, sidomos me motin e bukur, respektimi i masave është i vështirë.”
Ndërsa e pyetur për dobinë e maskave, Merkel iu referua ekspertëve, duke thënë:
“Mbajtja e papërshtatshme do të ishte edhe më fatale. Është e rëndësishme t’i lani rregullisht, të mos e mbani shumë gjatë, hekur i nxehtë ose ngrohje në furrë ose mikrovalë. Qeveria gjithashtu mund të promovojë vendosjen, por akoma nuk është aty. Një urdhër i tillë hyri në fuqi sot në Jena.”
Deri tani në Gjermani janë regjistruar 101,558 të infektuar, por vetëm 1, 662 viktima, duke qenë një nga vendet me shkallën më të ulët të vdekshmërisë në botë.
