Koronavirusi ‘infektoi’ edhe Fasonët/ Ja sa milionë euro më pak eksporte pati sektori më i madh prodhues

Google+ Pinterest LinkedIn Tumblr +

As sektori i fasonerisë nuk i shpëtojë dot valës shkatërrimtare të pandemisë dhe ndikimit që ajo pati në ekonomi.

Por, ndryshimi i kursit të prodhimit është shoqëruar me kosto shtesë për industrinë fason.

Në kushte të tilla, përfaqësuesit e sektorit bëjnë apel për mbështetje nga qeveria për të nxitur prodhimin “Made in Albania”, teksa shtojnë se, kanë nisur edhe diskutimet konkrete mes palëve.

“Pandemia globale Covid-19 ka fshirë rreth 126.5 milionë euro vetëm nga eksportet e fasonëve për 10-mujorin e këtij viti, që është edhe një ndër sektorët më të prekur nga kriza”.

Përfaqësuesit e sektorit shpjegojnë se, kriza më e thellë është ndjerë kryesisht te kompanitë që prodhojnë veshje të modës, për tregun e huaj.

Si alternativë për t’i mbijetuar situatës shumë prej tyre kanë ndryshuar linjën e prodhimit, duke e orientuar atë drejt veshjeve mjekësore.

“Gjendja është e vështirë. Kemi kërkesa nga jashtë dhe aktualisht po prodhojmë veshje mjekësore njëpërdorimshe. Kemi hequr dorë edhe nga maskat pasi vendet po prodhojnë vetë. Por nëse vazhdojmë me këto ritme mund të kemi do të kemi probleme me mbajtjen hapur të ndërmarrjeve”,- thonë fasonistët.

“Po zhvillojmë diskutime me Financat dhe Mbrojtjen e Sipërmarrjes për disa paketa mbështetëse për të bërë të mundur atë që e quajmë ‘Made in Albania’ dalë në treg me totalisht me produktet tona. Po diskutojmë për një garanci të tretë por nuk janë definuar ende kriteret për këtë kredi”.

Rikthimi në normalitet për eksportuesin më të madh në vend duket se është shumë larg, kjo edhe për shkak të pasigurive të shtuara mbi vijimësinë dhe kohëzgjatjen e pandemisë, duke bërë që shumë  prej shteteve drejt të cilave eksportojnë po rikthejnë masat kufizuese.

/Burimi: TCH/GazetaReforma.com/

Shpërndaje
Share.

Komento