Policia e Korçës ka vënë në pranga 2 persona për shkak se merreshin me shpërndarjen e dozave të kokainës në afërsi të ambienteve të frekuentuara nga të rinjtë. Njëri prej të arrestuarve M.K., 24 vjeç rezultoi se ishte me arrest shtëpiak po për shitjen e dozave të kokainës. Në momentin e kapjes ai ishte jashtë banesës në shkelje të masës së sigurisë. 24 vjeçari për shitjen e dozave të kokainës kishte angazhuar një person tjetër P.Sh., 60 vjeç që u vu në pranga.
Gjatë kontrollit në banesën e 24 vjeçarit u gjetën doza kokaine e ndarë në doza, një bajonetë dhe një shkop gome që u sekuestruan në cilësinë e provës materiale.
Njoftimi zyrtar:
Gjatë operacionit u arrestuan në flagrancë shtetasit P. Sh., 60 vjeç dhe M. K., 24 vjeç. 24-vjeçari, aktualisht me masë sigurie “Arrest në shtëpi”, për veprën penale “Prodhimi dhe shitja e narkotikëve”, u kap jashtë banesës, në cenim të kësaj mase sigurie. Nga hetimet dyshohet se ai kishte angazhuar shtetasin P. Sh., për të shitur doza Kokaine. 60-vjeçari e kryente këtë veprimtari kriminale, në këmbim të një pjese të fitimeve të siguruara nga shitjet e dozave.’
