Kontratat e lobimit të PD-së/ Gazmend Bardhi: Kemi paguar 25 mijë $, prokuroria është mashtrim

Google+ Pinterest LinkedIn Tumblr +

Lobimi që Partia Demokratike ka bërë në Shtetet e Bashkuara është duke u kthyer në temën e ditës dhe mesa duket diçka reale në gjithë këtë është.

Mbrëmjen e sotme nga studio e “Opinion”, ka qenë vet Sekretari i Përgjithshëm i PD-së, Gazmend Bardhi, i cili ka thënë se kjo parti ka paguar vetëm 25 mijë dollarë dhe asnjë më tepër, gjithë çfarë thuhet është thjesht mashtrim.

Edhe një herë tjetër, PD-ja nëpërmjet Bardhit ka deklaruar se prokuroria në gjithë deklaratat që ka bërë nuk ka thënë asnjë më shumë sesa shprehjen e një pikëpamjeje politike dhe kaq.

“Prokurori po heton mënyrën se si PD ka deklaruar shpenzimet e veta pranë KQZ. Ajo që thotë organi i prokurorisë është një mashtrim, ka dalë në konkluzione pa përfunduar hetimet. Të dalësh me konkluzione përfundimtare do të thotë që ti po përdoresh. PD ka paguar aq sa ka deklaruar në KQZ, 25 mijë dollarë. Prokuroria ka gjithë dokumentacionin që ka ardhur nga jashtë”, ka thënë, Gazmend Bardhi.

Ka qenë pikërisht sekretari që është thirrur nga Prokuroria për të dhënë shpjegimet e nevojshme në lidhje me kontratat e bëra, gjë për të cilën nuk mund të jepte asnjë përgjigje, pasi këtë post e ka marrë këtë vit, ndërkohë që ngjarja ka ndodhur në vitin 2017.

“Prokurori më kishte thirrur për të pyetur. Më tha nuk kam asnjë pyetje për ty. Isha ftuar si person që kisha dijeni, unë jam zgjedhur sekretar në 2019 ndërkohë që kjo ngjarje ka ndodh në 2017”, theksoi Bardhi.

Shpërndaje
Share.

Komento