Konflikti me Ballukun, Kajmaku bëri lëvizjen surprizë ditën e shkarkimit

Google+ Pinterest LinkedIn Tumblr +

Vora ka mbetur pa kryetar bashkie prej 7 ditësh, pasi KQZ vendosi të shkarkojë Agim Kajmakun.

Presidenti i vendit, Ilir Meta, njësoj si me rastin e Shkodrës, nuk ka ndërmend që të dekretojë përsëritjen e zgjedhjeve.

Në këtë mënyrë, rruga e ndjekur nga socialistët do të jetë ajo e komandimit të përkohshëm të një nënkryetari.

Deri në momentin e shkarkimit, Kajmaku kishte punuar me dy nënkryetare, Hekuran Brahimaj dhe Laureta Omeri.

“Abc news”, shkruan se kjo e fundit është rekomanduar nga ministrja e Infrastrukturës, Belinda Balluku.

Ministrja dhe Kajmaku kishin prishur raportet së fundmi dhe shkak për këtë ishte bërë Omeri.

Balluku e kishte projektuar Omerin si drejtuese të përkohshme të Bashkisë së Vorës.

Duke qenë se nuk u mbrojt nga socialistët, për edhe për të mos i lënë të besuarës së Ballukut Bashkinë, Kajmaku përpara se të shkarkohej të premten ka shkuar në zyrë dhe ka shkarkuar dy nënkryetarët e bashkisë.

Në vendin e tyre, Kajmaku ka emëruar shefin e tij të kabinetit, Genti Picarin.

Dy nënkryetarët janë përpjekur t’i shpallin të plagjishme shkarkimet, por deri më tani asnjë institucion nuk i ka rrëzuar.

Shpërndaje
Share.

Komento