Konfiskohen 7 vila luksoze në Tiranë

Gjykata e Shkallës së Parë në Tiranë ka konfiskuar shtatë vila të ndërtuara pa leje dhe ka shpallur fajtorë nëntë persona për veprat penale “Ndërtim të paligjshëm” dhe “Falsifikim i dokumenteve”.

Gjatë hetimeve u zbulua se vilat ishin ndërtuar në zonën e Mulletit, në ekonominë pyjore 1/a dhe 2/a, dhe ishin formalisht të pajisura me leje rindërtimi. Megjithatë, u konstatuan dokumente të falsifikuara, të cilat pasqyronin të dhëna të pasakta dhe shkaktonin dëme në fondin pyjor të Bashkisë Tiranë.

Personat e shpallur fajtorë janë:

1.  Armand Prelezi, arkitekt, për “Falsifikim dokumentesh”;
2. Klevis Bregu, arkitekt, për “Falsifikim dokumentesh”;
3.  Manush Teqja, për “Ndërtim të paligjshëm” dhe “Falsifikim dokumentesh”;
4.  Florian Zela, për “Ndërtim të paligjshëm” dhe “Falsifikim dokumentesh”;
5. Abaz Teqja, për “Ndërtim të paligjshëm” dhe “Falsifikim dokumentesh”;
6.  Mehmet Durishti, për “Ndërtim të paligjshëm” dhe “Falsifikim dokumentesh”;
7. Tefta Visha, për “Ndërtim të paligjshëm” dhe “Falsifikim dokumentesh”;
8. Dorina Dushku, për “Ndërtim të paligjshëm”;
9. Arblin Harizi, për “Ndërtim të paligjshëm” dhe “Falsifikim dokumentesh”.

Hetimet vijojnë nga Prokuroria e Tiranës, e cila po shqyrton mundësinë e veprimeve të paautorizuara nga entet publike përgjegjëse dhe bashkëpunëtorëve të tjerë për këto vepra penale.