Presidenti i FSHF-së, Armand Duka, reagoi pas barazimit 0-0 të Shqipërisë ndaj Çekisë në Ligën e Kombeve, duke falënderuar lojtarët, stafin dhe tifozët për mbështetjen.
Ai kritikoi vërshëllimat ndaj himnit çek, duke theksuar nevojën për respekt.
Shqipëria, me 7 pikë dhe vendin e tretë në grup, synon një fitore në ndeshjen e ardhshme kundër Ukrainës, të cilën Duka e quajti një “finale”.
“Barazuam në shtëpi me Çekinë, një kundërshtar i fortë që kryeson grupin tonë në UEFA Nations League. Falënderoj djemtë e ekipit për angazhimin në fushë, stafin, si dhe tifozët për mbështetjen e dhënë nga shkallët e stadiumit.
Nëse do i kursenim ato vërshëllima në momentin e himnit të Çekisë do të ishte edhe më mirë. Tani le të mendojmë për ndeshjen e së martës me Ukrainën, të cilën duhet ta luajmë si finale. Me besim dhe me mbështetjen e tifozëve, mund t’ia dalim”,tha Duka.
