Komisioni Qëndror i Zgjedhjeve ka hedhur shortin për caktimin e relatorit për ankimimin e bërë nga grupimi i Enkelejd Alibeajt në KAS.
Goglat e shortit përcaktuan relator të kërkesës ankimore të depozituar nga PD, anëtarin e KAS, Koli Bele. Alibeaj ka ankimuar vendimin e KQZ për mos regjistrimin e PD me vulën e ligjshme, pasi në dokumentacion kërkohet firma e Lulzim Bashës që njihet ende kryetar i PD.
Në fakt, Koli Bele nuk është një emër që si relator i kësaj çështje të opozitës të ngjallë besueshmëri në lidhje me vendimin që do të japë. Sjellim në vëmendje se Bele ka qenë sekretari i Përgjithshëm i Ministrisë së Infrastrukturës dhe Energjisë, teksa Damian Gjiknuri drejtonte këtë ministri.
Po ashtu njihet edhe për raportet e tij miqësore me Gjiknurin, një faktor i rëndësishëm në Partinë Socialiste. Koli Bele është një ish-zyrtar socialist, ndërsa vite më parë ka mbajtur postin e nënsekretari për Çështjet Zgjedhore në Partinë Socialiste.
Të gjendur përballë këtyre fakteve, vlen të thuhet se Koli Bele ka në dorë fatin e fatin e grupit të Alibeajt dhe vendimi që do të jepet do të jetë i Partisë Socialiste. Normalisht që në një territor politik dhe jo vetëm ‘nderet kthehen’ kështu që nëse vendimi është në favor të grupit të Alibeajt’, ky i fundit do të duhet që të shlyejë borxhin ndaj Partisë Socialiste. Në një kohë kur të gjithë presin që opozita të forcohet dhe të jetë zëri më i fuqishëm i popullit, këto lojëra që synojnë të blejnë në vetevete opozitën duke ia mbyllur gojën nuk duken aspak shpresdhënëse. Në vitin 2017, janë dhënë me koncension 5 hidrocentrale pa transparencë, teksa procedura për prokurim u fimos nga Koli Bele, atehërë në pozicionin e sekretarit të përgjithshëm të ministrisë së energjetikës zotit Koli Bele.
Theksojmë që Koli Bele është i priviligjuar nga politika, pasi përpos faktit që ka gjeneruar para përmes korrupsionit, ai zotëron edhe hidrocentrale./ Gazeta Reforma
