Trafiku i lëndëve narkotike vazhdon të mbetet kryefjala për shqiptarët dhe kjo është vërtetuar përsëri. Këtë herë policia greke ka kapur një bandë të trafikut të kokainës e cila vinte nga Amerika Latine, prej nga janë sekuestruar 36 kg kokainë që vinte në Greqi në rrugë ajrore nga Brazili.
Ideja e personave që po e transportonin mund të quhet e gjetur, pasi e kishin fhshehur në fruta ACAI (superfood). Nga aksioni i autoriteteve helene janë arrestuar 6 shtetas grekë ndërkohë që kreu i organizatës dhe njëkohësisht financuesi i saj rezulton të jetë një shtetas shqiptar.
Në këto momente shqiptari ndodhet i arrestuar në Gjermani për trafik droge. Në kërkim është shpallur edhe një shtetas grek, i cili ishte përgjegjës për transportin e lëndës narkotike dhe mendohet se është duke u fshehur në Brazil.
