Klubi i Partizanit ka ndërprerë bashkëpunimin me mbrojtësin nga Bosnjë Hercegovina, Renato Gojkoviç.
23-vjeçari iu bashkua skuadrës në fillim të 2018-ës dhe tani bashkëpunimi midis tyre ka përfunduar me mirëkuptim nga të dyja palët.
Në njoftimin e tij, klubi ka falenderuar dhe ka uruar suksese duke i dhuruar Gojkoviçit fanelën e Partizanit.
ZYRTARE
Klubi njofton përfundimin e bashkëpunimit me Renato Gojkoviç. Mbrojtësi 23 vjeçar dhe drejtuesit kanë vendosur sot të ndërpresin me mirkuptim marrëveshjen mes palëve. Mbrojtësi shtatlartë nga Bosnjë Hercegovina, i cili iu bashkua skuadrës në fillim të 2018, përgjatë këtij viti ka patur pak hapësira aktivizimi. Klubi dhe lojtari vendosën të ndërpresin bashkëpunimin duke i dhënë mundësi mbrojtësit të jetë i lirë.
Klubi falënderon Renato Gojkoviç për kontributin e dhënë me fanelën e Partizanit, duke i uruar njëkohësisht shumë suksese në karrierën e tij sportive.