Mbërmja e së martës ne Champions league ka dhuruar emocione dhe rezultate të papritura. Takimi i zhvilluar për raundin e 1/8-ave ka pasur gola dhe surpriza. Gjigantët e Barcelonës humbën në mënyrë turpëruese në shtëpi, ndaj rivalit francez të Paris Saint German. Miqtë arritën të merrnin një fitore bindëse ndaj blaugranasve në stadiumin Camp Nou.
Barcelona u mposht nga PSG me një rezultat 4-1 me 3 gola nga Mbappe ndërsa katalanasit shënuan me Messin falë një penalltie e cila ngjalli shumë debate.
Mes tyre ishte edhe Neymar i cili shkroi në lidhje me ketë penallti, por pa kaluar shumë e fshiu komentin e tij. Neymar nuk u përmbajt që të shfrynte gjithë zemërimin e tij për një dënim – sipas tij – inekzistent dhe i padrejtë. Ajo penallti ishte një shaka!
Komentet e tij jo aq elegante kanë krijuar një bujë të madhe, jo vetëm në rrjetet sociale. Neymar tani mund të rrezikojë edhe një skualifikim të mundshëm në Ligën e Kampionëve për dy raunde: kodi disiplinor i Uefa parashikon sanksione në rast të “fyerjeve ose sjelljeve të tjera që shkelin rregullat themelore të sjelljes”.
Nëse Uefa vendos ta gjobisë atë, ylli i PSG mund të skualifikohet deri në dy ndeshje, që do të thotë se ai do të humbasë ndeshjen e kthimit dhe çerekfinalen e mundshme të PSG nëse kualifikohet.
