Policia e Kosovës ka ndaluar 8 shtetas çekë, të cilët kishin planifikuar të ngrinin me dron një flamur me mbishkrimin “Kosova është Serbi”.
Çekët do ta kryenin aktin gjatë ndeshjes Kosovë-Çeki që do të zhvillohet ditën e nesërme në stadiumin “Fadil Vokrri”.
Ata janë kapur në flgarancë në Ferizaj, ndërsa u janë konfiskuar edhe flamujt me mbishkrime.
Sipas mediave kosovare, në mesin e të ndaluarve, dy ishin femra.
Gjithashtu mësohet se njëri nga çekët kishte nënshtetësi serbe.
Të 8 të ndaluarit janë dërguar në rajon me urdhër të Prokurorit.
