Policia e Vlorës ka arrestuar ditën e sotme kryeplakun e fshatit Penkovë të Selenicës dhe djalin e tij. Ata kishin mbjellë në kopshtin e shtëpisë kanabis. I ati dhe i biri janë të moshës 57 dhe 23 vjeç.
Gjithashtu është bërë e mundur edhe konfiskimi i lëndëve të dyshuara si cannabis sattiva, por po vazhdon edhe marrja në pyetje e dy personave të arrestuar që janë babë e bir.
Të dy personat e arrestuar kanë qenë banues në të njëjtën shtëpi dhe bëhet e ditur se çdo proces të punës për kultivimin e lëndëve narkotike, e kryenin së bashku.
Njoftimi i policisë Vlorë:
Arrestohet nga Policia kryeplaku i fshatit bashkë me të birin, pasi iu gjetën të kultivuara bimë narkotike përreth banesës së tyre.
Shërbimet e Stacionit Policor Selenicë në bashkëpunim me Seksionin e Narkotikëve, në bazë të informacioneve të siguruara në rrugë operative, pas kontrollit të ushtruar përreth një banese në fshatin Penkovë, Bashkia Selenicë, u konstatun të mbjella bimë dhe fidanë të dyshuara të llojit cannabis sattiva.
Menjëherë, Policia ka arrestuar pronarët e banesës si autorë të dyshuar në lidhje me kultivimin e tyre.
Arrestohen në flagrancë shtetasit:
- N., 57 vjeç, me detyrë – Kryeplak i Fshatit Penkovë.
V. N., 23 vjeç, banues në të njëjtën banesë.
(babë e birë)
Materialet iu referuan Prokurorisë për veprën penale “Kultivimi i bimëve narkotike” e kryer në bashkëpunim dhe “Shpërdorimi i detyrës”.
