Ambasadorja e SHBA në Shqipëri, Yuri Kim, ka folur sërish për Reformën në Drejtësi. Sipas Kim, reforma po ecën ngadalë, por mbetet një shtysë përpara.
Tani është koha që të vazhdojmë përpara. Mos u dorëzoni. Disa njerëz thonë që reforma në drejtësi është asgjë, duhet të dorëzohemi, por jo, po ju gënjejnë, mos hiqni dorë”, ka thënë Kim mes të tjerash.
Fjala e plotë e ambasadores Yuri Kim:
“Unë mendoj që reforma në drejtësi po çohet përpara, ngadalë, me ngadalë se çfarë do të donim por është padyshim një shtysë përpara, njerëzit duhet të vazhdojnë të jenë të pakënaqur, duhet të jenë më tepër kërkues me qeveritaret e tyre, njerëzit që ata kanë zgjedhur dhe duhet të vazhdojnë përpara.
Tani është koha që të vazhdojmë përpara. Mos u dorëzoni. Disa njerëz thonë që reforma në drejtësi është asgjë, duhet të dorëzohemi, por jo, po ju gënjejnë, mos hiqni dorë”, ka thënë Kim.
E pyetur nëse po shkojmë drejt peshkut të madh, ajo tha “Unë jam diplomate. Unë nuk jam një persekutore, nuk jam një peshkatare, nuk jam gjyqtare, unë jam thjesht një diplomate”, tha ambasadorja amerikane. Reforma në Drejtësi ka më shumë se 5 vite që ka nisur dhe ashtu siç e theksoi dhe Kim, po ecën me ritme shumë të ngadalta.
