Kreu demokrat Lulzim Basha ka reaguar pas Kongresit Kombëtar të Partisë Demokratike që u mbajt ditën e djeshme, ndërsa sot u shpallën edhe emrat që do të jenë pjesë e Këshillit Kombëtar.
Në një postim në Facebook, Basha shkruan se PD ka beimin e demokratëve dhe përgjegjësinë për të luftuar çdo ditë pranë qytetarëve.
Basha shkruan se sfidat janë të mëdha, por edhe vullneti dhe vendosmëria e demokratëve është e tillë. Ai deklaron se këshilli i ri do të jetë i hapur dhe do të jetë një urë bashkëpunimi me shoqërinë.
Postimi i plotë:
Mirënjohje për delegatët që në Kuvendin Kombëtar përfaqësuan demokratët anembanë Shqipërisë. Suksese Këshillit Kombëtar të përzgjedhur!
Keni besimin e demokrateve dhe demokratëve dhe përgjegjësinë për të luftuar çdo ditë pranë qytetarëve, për shqetësimet e vogla dhe të mëdha të familjeve shqiptare, për të kapërcyer bashkarisht vështirësitë dhe për të qenë zëri i tyre përballë çdo padrejtësie.
Sfidat që kemi përpara janë te mëdha, por vullneti dhe vendosmëria jonë po ashtu.
Këshilli i ri, i hapur për më shumë zonja dhe zonjusha, më shumë të rinj dhe të reja, do të jetë një urë bashkëpunimi me shoqërinë, për të ndërtuar së bashku një Platformë Qytetare për Demokracinë, sepse ne jemi e vetmja shpresë për shqiptarët që kërkojnë ndryshim.
