Kërkuan paratë e dhëna borxh, por 4 shqiptarët bien në prangat e policisë italiane

Google+ Pinterest LinkedIn Tumblr +

4 shqiptarë janë arrestuar nga karabinierët së fundmi, pasi prej kohësh ata i kishin dhënë para borxh një italiani, i cili po vononte t’ua kthente duke bërë që shqiptarët të kërkonin paratë e tyre me mënyra kërcënuese.

Ata i dërgonin italianit kërcënime me vdekje pa ndalim nga mëngjesi deri në darkë dhe kur ky i fundit arriti të siguronte vetëm një pjesë të parave ata e dhunuan pasi kërkonin të gjithë shumën.

I gjendur përballë presionit 50-vjeçari italian i ka denoncuar në policinë e zonës, e cila ndërhyri duke arrestuar 4 persona: A.C., 37 vjeç, si dhe E.N., 35 vjeç, S.T., 22 vjeç dhe E.B., 28 vjeç, të gjithë shqiptarë, por banorë në Alba Adriatica.

Të rinjtë akuzohen për veprat penale “Zhvatje e rëndë me dashje” dhe “Përdorim të një arme prerëse”.

Nga hetimet e mëvonshme të kryera nga policia italiane rezultoi se shqiptari me iniciale E.N. duhet të linte territorin kombëtar italian, pasi ndaj tij ekzitonte një urdhër-dëbimi nga Gjykata e Romës, ndërsa të tjerët u transferuan në burg në Teramo, në pritje të seancës gjyqësore.

Kujtojmë se në një raport të publikuar në fund të 2019 Ministria e Brendshme italiane informoi se grupet kriminale shqiptare janë ndër më aktivet në vendet e huaja dhe se Shqipëria cilësohet si vend tranzit i heroinës nga Azia Qëndrore dhe Afganistani drejt tregut të Europës Perëndimore.(Lexo këtu)

Më tej, në raport thuhej se përveç trafikut të drogës aktiviteti kriminal shqiptar është përfshirë dhe në aktivitetin e prostitucionit e në krimin ndaj pasurisë si grabitje të dhunshme, kërcënim e zhvatje.

Lexo edhe: 3 mijë rrënjë marijuane, dy qentë zbulojnë serën e shqiptarëve në Itali

Shpërndaje
Share.

Komento