Gjykata e Lartë ka rrëzuar rekursin e paraqitur nga Jamarbër Malltezi, duke i lënë në fuqi masën e sigurisë “arrest në shtëpi”.
Dhëndri i ish-kryeministrit Sali Berisha kishte kërkuar ndryshimin e masës, por kërkesa e tij nuk u pranua.
Malltezi është nën hetim në lidhje me privatizimin e ish-kompleksit sportiv “Partizani” në Tiranë, një çështje që ka sjellë ndaj tij disa masa sigurie që prej fillimit të procedimeve.
Ai përballet me akuza për korrupsion pasiv dhe pastrim parash, pasi dyshohet se ka përfituar në mënyrë të paligjshme rreth 5.4 milionë euro nga një projekt ndërtimi, i mundësuar përmes vendimeve të qeverisë të firmosura nga vjehrri i tij, Sali Berisha.
