Izet Haxhia ka kërkuar ditën e sotme heqjen e masës së sigurisë “Arrest me burg”, me pretendimin se ka kaluar afati i paraburgimit.
Sipas “Report Tv”, kërkesa e Haxhisë është hedhur poshtë nga Gjykata Kundër Korrupsionit dhe Krimit të Organizuar.
SPAK ndërkohë ka kërkuar shpalljen e moskompetencës për këtë dosje dhe transferimin e saj në Prokurorinë e Tiranës.
Tashmë i mbetet Gjykatës së Lartë, për të vendosur se në cilën shkallë do kalojë kjo dosje.
Izet Haxhia është dënuar me 25 vite burg për vrasjen e Azem Hajdarit.
Ai u arrestua në Turqi dhe dy vite më parë u ekstradua në Shqipëri.
Haxhia kërkoi rihapjen e dosjes, e cila u pranua nga drejtësia shqiptare.
Po për këtë vepër, Jahi Sali Mulosmani është dënuar me burgim të përjetshëm.
Izet Haxhia pak muaj më parë dha deponimin në Prokurorinë e Krimeve të Rënda, për 23 krime për të cilat ai akuzon ish-kryeministrin Sali Berisha.
