Shkodra është tronditur ditën e sotme nga një atentat me armë zjarri.
Ngjarja e rëndë ka ndodhur në lagjen Kiras të këtij qyteti, pranë ish-shkollës veterinare.
Ismet Çekorja është personi që është vrarë këtë mesditë në Shkodër. Ismet Çekorja është babai i Bajram Çekorjas, i cili u shpall në kërkim për atentatin që iu bë 25-vjeçarit Alban Bruçi. Bajram Çekorja dhe Tonato Fushaj, djali i ish-Presidentit të Vllaznisë, Valter Fushaj janë shpallur në kërkim për atentatin që iu bë Bruçit mbrëmjen e 25 gushtit. 4 ditë më parë, viktima kishte folur për mediet për të mbrojtur djalin e tij, Bajram Çekorja, i cili është shpallur në kërkim për atentatin që iu bë më 25 gusht, Alban Bruçit. Alban Bruçi i shpëtoi për mrekulli plumbave atë mbrëmje.
Bajram Çekorja dhe Tonato Fushaj, djali i ish-Presidentit të Vllaznisë, Valter Fushaj janë shpallur në kërkim për atentatin që iu bë Bruçit mbrëmjen e 25 gushtit.
Si ndodhi atentati?
Mbrëmjen e 25 gushtit, Fushaj e ndoqi Bruçin bashkë me mikun e tij, Bajram Çekorja. Të dy, sipas informacioneve zyrtare nga Policia, i zunë pritë 25-vjeçarit teksa udhëtonte me mjetin e llojit “Audi” e po shkonte në shtëpi. Në momentin që ndodhej në lagjen ‘Rus’ të Shkodrës, të rinjtë i dolën para me motor dhe një prej tyre zbrazi 20 plumba në drejtim të mjetit, 19 e kapën makinën, por 25-vjeçari shpëtoi. Ai arriti të zbriste shpejt nga makina dhe shkoi në komisariatin e policisë ku dhe bëri denoncimin për ngjarjen. Në dëshmi tha se nuk kishte konflikte, por hetimet zbuluan emrat e Tonato Fushajt e Bajram Çekorjas.
