Një ngjarje e rëndë është regjistruar ditën e sotme në poliklinikën e Patosit.
Pas një sherri midis të rinjsh, një person ka nxjerrë armën dhe ka vrarë njërin prej tyre, ndërsa ka plagosur tjetrin.
Policia ka arrestuar menjëherë autorin e ngjarjes, i identifikuar si Martin Skëndaj.
Grupi hetimor ndërkohë po punon për zbardhjen e plotë të ngjarjes.
Njoftimi i policisë
Policia kap në kohë rekord autorin e ngjarjes së ndodhur në ambientet e poliklinilës në Patos ku mbeti një i vrarë dhe një i plagosur. Sot rreth orës 12:20, në ambientet e poliklinikës së Patosit si pasojë e një konflikti, shtetasi Martin Skëndaj ka qëlluar me armë zjarri dhe për pasojë ka mbetur një shtetas i vrarë dhe një i plagosur. Falë veprimeve të shpejta dhe profesionale të policisë, është bërë e mundur kapja e autorit dhe sekuestrimin i armës së zjarrit. Po punohet për zbardhjen e plotë të rrethanave të ngjarjes.
