Ylli Rakipi, drejtuesi i emisionit “Të Paekspozuarit” , ka marrë mesazhe kërcënuese për jetën. Mësohet nga stafi i emisionit se këto kërcënime vijnë nga publikimi i aferës korruptive lidhur me Unazën e Re dhe personat që qëndrojnë pas kësaj.
Bëhet me dije se kërcënimet janë bërë si fillim në mënyrë indirekte dhe më pas në mënyrë të drejtpërdrejtë.
Gazetari u është drejtuar organeve kompetente lidhur me këto kërcënime por thuhet se pavarësisht shantazheve emisioni do vijojë detyrën në interes të publikut.
Njoftimi nga emisioni “Të Paekspozuarit” :
Drejtuesi i emisionit “Të Paekspozuarit”, Ylli Rakipi, ka marrë mesazhe këcënuese për jetën.
Këto kërcënime vijnë menjëherë pas publikimit të aferës korruptive, me tenderin e Unazës së Re dhe personave të cilët qëndrojnë pas kësaj afere.
Kërcënimet në drejtim të gazetarit, janë të formave të ndryshme. Ato janë bërë së pari në mënyrë indirekte, nëpërmjet postës elektronike dhe më pas edhe në mënyrë të drejtpërdrejtë.
Lidhur me këto kërcënime, gazetari u është drejtuar organeve kompetente.
Pavarësisht kërcënimeve dhe shantazheve, emisioni “Të Paekspozuarit”, do të vijojë të kryejë detyrën dhe misionin e vet në interes të publikut.
Emisioni “Të Paekspozuarit”
