Komisioneri për Zgjerim i Bashkimit Europian, Oliver Varhelyi ishte vizitoi sot vendin tonë.
Së bashku me kryeministrin Rama, ambasadorin Soreca dhe ministrin Çuçi, komisioneri pa nga afër situatën në Durrës pas tërmetit.
Kryeministri i bëri me dije zyrtarit të BE, se qeveria ka në plan të ndërtojë një ose dy lagje, ku do të vendosen familjet e të prekurve.
“Po fillojmë planin për të ndërtuar në Durrës 1 ose 2 lagje. Kishte godina që i rezistuan shumë mirë tërmetit, duke marrë parasysh parametrat.”, tha Rama.
Teksa po bisedonte me Varhelyi, disa qytetarë kërkuan të flasin me kryeministrin.
Biseda me banorët
Zoti kryeministër, mund të flasim të lutem
Rama: Mirë?! ( Përshëndet banorët me dorë) Ça halli ke?
Banori: Ke një muaj e ca që ishte këtu dhe nuk e dimë se ça do bëhet. Kemi një muaj e gjysmë që presim.
Rama: Po pse ku ke parë ti që të bëhet gjithë kjo në një muaj e gjysmë?! (Tregon me shenjë nga pallatet e dëmtuara)
Banori: Po kemi parë
Rama: Po ke parë po
Ndërkohë në konferencën e mbajtur pak çaste para vizitës në Durrës, komisioneri tha se raporti i Komisionit Europian për Shqipërinë është ende i vlefshëm , duke e vlerësuar vendin si të gatshëm për të hapur negociatat.
Sipas tij, në BE po punohet për të gjetur një zgjidhje me shtetet që frenuan hapjen e negociatave në tetor.
Komisioneri theksoi se është e rëndësishme që Shqipëria të vijojë me reformat e nisura.
Përsa i përket fondeve për tërmetin, Varhelyi tha se BE ka nisur zbatimin e fondit prej 16 milion eurosh, ndërsa pritet të mbidhen akoma më shumë në konferencën e donatorëve.
