Nuk është e qartë se përse është hapur pikërisht dy ditët e fundit debati mbi lumin Vjosa dhe ndërtimi mbi të të të paktën dy hidrocentraleve.
Por kauza e Vjosës ka futur tashmë në debat politik në distancë kryeministrin Edi Rama dhe Presidentin Ilir Meta.
Pas një deklarate më herët të bërë nga Kryeministri në rrjetet sociale, Presidenti ka vendosur që të mbajë të ndezur debatin për Vjosën, duke ju përgjigjur “flakë për flakë” kreut të qeverisë.
“E duam Vjosën dhe do ta mbrojmë!”,- ky ka qenë mesazhi i presidentit Ilir Meta, nga lumi i Vjosa.
Duke iu kundërpërgjigjur kryeministrit Edi Rama, kreu i shtetit theksoi se, Vjosa është një trashëgimi natyrore kombëtare me rëndësi të jashtëzakonshme dhe potencial të madh turistik që sipas tij arroganca, korrupsioni dhe marrëzia nuk do mundet ta tjetërsojë dot.
Mesazhi i Presidentit Ilir Meta:
“Me ekipin e paparë të çunave të “Vjosa Rafting Albania” dhe “Vjosa Explorer”.
E duam Vjosën dhe do ta mbrojmë!
Një trashëgimi natyrore kombëtare me rëndësi të jashtëzakonshme dhe potencial të madh turistik që arroganca, korrupsioni dhe marrëzia nuk do mundet ta tjetërsojë dot! 🇦🇱”
/GazetaReforma.com/
