Përfaqësuesi i PD për çështjet ligjore, Ivi Kaso ka folur për mediat pas vendimit të KAS për të hedhur poshtë kërkesën e PD për prova shtesë që vërtetonin shkeljet zgjedhore në qarkun e Beratit. Kaso tha se PD nuk është institucion ligjzbatues dhe pret që të administrohen prova që nuk i ka në dispozicion. Sipas Kasos, KAS nuk vuri në dispozicion materielet që tregojnë masakrën zgjedhore.
“PD nuk është institucion ligj-zbatues. Ne presim që të administrohen provat që nuk janë në disponimin tonë. Të administrohet gjithçka tjetër që partitë nuk kanë mundut të sigurojnë dot vetë. KAS nuk na vuri në dispozicion materialet që tregojnë masakrën elektorale. I jemi drejtuar institucioneve zyrtarisht. Procesi zgjedhor është shoqëruar me problematika të shumta. Rruga e vtme që materialet të merren në administrim është që KAS tu drejtohej me shkresë zyrtare institucioneve,”- tha Kaso.
Ditën e sotme, Komisioni i Ankesave dhe Sanksioneve në KQZ mori vendimin për të hedhur poshtë kërkesën e PD për prova shtesë nga institucionet ligjzbatuese si SPAK, prokuroria, policia etj. Për shkeljet zgjedhore në Elbasan. Nga ana tjetër, KAS pranoi kërkesën e LSI për të hapur 24 kuti nga 24 qendra votimit në qarkun e Beratit ku do të shqyrtojë nga të dhënat e materialeve zgjedhore përputhshmërinë e listave të zgjedhjeve, identifikimin elektronik të tyre.
