Kapet me drogë varka “fanazmë” që ishte nisur nga Durrësi, ja si po transportohet tani marijuana

Google+ Pinterest LinkedIn Tumblr +

Një varkë e vogël, e nisur që nga Durrësi është pikasur nga rojet bregdetare të Otrantos.
Pa timon, pa vozitës, por me 37 kg drogë brenda të tipit marijuanë është ndaluar nga rojet bregdetare.

Mbrëmjen e 21 qershorit, roja bregdetare e Otrantos ka zbuluar një anije të vogël me anë të radarit. Në bord, asnjë pilot. Vetëm dy dëngje me marihuanë që peshonin 37 kg. Një anije fantazëm, në të vërtetë. Edhe pse u kontrollua, nuk u zbulua frymë njeriu në të, shkruajnë mediat italiane.

Një sistem navigacioni automatik u gjet në bord, ndoshta i kontrolluar nga larg me një sistem radioje. Në të vërtetë, nuk kishte as timon. Gjithçka vihej në lëvizje me një elikë të vogël të pozicionuar jashtë bordit dhe të mbrojtur me një rrjetë metalike.

Disa hetime u bënë për këtë sistem, shkruajnë mediat italiane dhe nga të dhënat e fundit ka dalë se kjo varkë, ditët e fundit ishte parë në zonën e Durrësit në Shqipëri.

Shpërndaje
Share.

Komento