Ditën e djeshme Shoqata e Transportit Ndërqytetar të të gjithë vendit protestuan para Ministrisë së Infrastrukturës.
Sipas tyre pronarët e linjave ndërqytetare janë në vështirësi ekonomike dhe kërkojnë mbështetje nga qeveria.
Tre muaj pa punë për shkak të pandemisë Covid-19, ata janë shprehur se po shkojnë drejt falimentimit, ndaj edhe parashtruan kërkesat e tyre për ndihmë nga qeveria.
Në një komunikim për gazetën “Reforma.com”, Shoqata e Transportit Ndërqytetas dhe Rrethqytetas ka parashtruar sërish kërkesat zyrtare të operatorëve, drejtuar kryeministrit Edi Rama dhe ministrive të Infrastrukturës dhe Energjisë dhe asaj të Financave.
Kjo kërkesë përmban 6 pika të rëndësishme që duhet të miratohen nga kabineti qeverisës.
KERKESAT:
1. Heqjen e akcizës për blerjen e naftës nga shoqëritë e transportit publik;
2.Njohjen e shpenzimit të zbritshëm 100% për naftën pasi është lënda jonë e parë;
3. Subvencionimin e 50% të ngarkesës direkt në llogaritë e shoqërive të transportit duke marrë parasysh lejen e udhëtimit për të kuptuar sa kapacitet ka një mjet;
4.Zbritjen e TVSH-së në shitje nga 20% në 0 % për vitin 2020 dhe rikthimin e saj në nivelet e sektorit të turizimit 6% pasi dhe transporti është një nga hallkat e tij;
5. Faljen e taksave vendore të mjeteve për vitin 2020;
6. Të merren masa urgjente nga strukturat kompetente shtetërore, për luftimin e transportit të udhëtarëve me mjete informale, të cilat kanë vazhduar pa ndërprerje aktivitetin e paligjshëm!
Ne deshirojmë të fillojmë punë sa më parë, por siç edhe e kemi deklaruar disa here, nëse nuk na përmbushen kërkesat tona të qarta e të drejta , ne do te jemi te detyruar te përshkallëzojmë qëndrimet tona, shkruhet poshtë kërkesave të Shoqatës së Transportit Ndërqytetas.
Ndërsa përsa i përket çmimit të biletës, Shoqata e Transportit Ndërqytetas dhe Rrethqytetas shprehet se në asnjë rast nuk kanë menduar dhe se kurrë nuk kanë pasur as qëllim që të rrisin çmimet për qytetarët.
Sipas tyre, nëse ky veprim do të ndërmerrej si hap, do të përbënte shkelje ligji nga operatorët, pasi çmimi i biletës për kilometër, përcaktohet nga VKM nga qeveria.
E ndërsa përsa i përket kapacitetit, Shoqata Transportit Ndërqytetas dhe Rrethqytetas , shprehet se ditën e dielë, bashkë me datën e filluit u është komunikuar edhe kapaciteti i lejuar nga Ministria e Infrastrukturës dhe Energjisë.
Ky kapacitet do të jetë i lejuar në mjetet e transportit prej 70%.
“Sa i përket çmimit të biletës, në asnjë rast nuk kemi menduar ndonjëherë për qëllim të rrisim çmimet e biletave për qytetarët!
Kjo në vetvete, nëse do të merrej si hap, do të përbënte shkelje ligji nga ana e operatorëve, pasi çmimi i biletës për kilometër, përcaktohet nga VKM nga qeveria!
Po i referohem VKM-së së pandryshuar që prej viti 2007, ndërkokë që nëse i referohemi naftës, çmimi i saj ka njohur vetëm rritje”, shprehet Shoqata e Transportit Ndërqytetas dhe Rrethqytetas .
“Sa i përket suportit nga shteti, po është e vërtetë që punonjësit tanë janë paguar njëherë me atë që u quajt “pagë lufte”, në masën 40 mijë lekë ( për periudhë 3+ muaj) .
Vlen të përmendet se gjatë kësaj periudhe pandemie, nuk është ndihmuar në asnjë formë biznesi i transportit, përjashtuar taksës vjetore të mjeteve ( TVMP) për vitin 2020!
Ndihmë kjo e ofruar DSHPTRR , Ndaj të cilëve, patjeter jemi falenderues!
Ministria e Infrastruktures dhe Energjisë , diten e dielë, bashkë me datën e fillimit, komunikoi kapacitetin e lejuar në mjetet e trasportit prej 70%.
Qëllimi ynë është i lidhur me interesat midis operatorëve , por mbi gjithçka me interesin e qytetarëve shqiptarë.
Dëshirojmë që në këtë moment të fokusohumi në realizimin e kërkesave tona të drejta drejtuar qeverise Rama!
Patjeter mezi po presim te ndezim motorrët dhe te jemi në shërbim te qytetarëve , biznesit që po lëngon dhe familjeve tona !
Do të ishim te lumtur nese kerkesat tona nuk do të vonojne te marrin pergjigje pozitive!
Motorri i madh i ekonomise kombetare , nuk mund te rezistoje, nëse tanët qëndrojnë akoma te fikur”, shprehet Shoqata e Transportit Ndërqytetas dhe Rrethqytetas.
