Zgjedhjet e këtij viti kanë qenë zgjedhjet më të çuditshme mund të themi. Kjo për faktin se edhe pse Partia Socialiste ka garuar e vetme në këto zgjedhje, sërish manipulimet kanë qenë prezente.
Një tjetër rast mbushje kutish në votimet monopartiake të Edi Ramës është zbuluar në Divjakë, pas rastit të Urës Vajgurore dhe Malësisë së Madhe.
Në Divjakë, sipas të dhënave zyrtare nga KQZ-ja për votuesit deri në orën 19:00 të ditës së djeshme kanë votuar 13000 qytetarë.
Por pas përfundimit të numërimit të votave në Divjakë, kandidati i Edi Ramës Fredi Kokoneshi ka fituar me 13513 vota. Thënë ndryshe në kutitë e votimit të Divjakës janë 513 vota më shumë se votues.
Edhe këtu dora e komisonerëve të PS-së e ka tejkaluar planin që ka kërkuar Edi Rama duke hedhur 513 vota më shumë.
Pas denoncimeve në disa bashki të vendit dhe në atë të Vaut të Dejës, rezultatet finale janë disa vota më shumë nga pjesëmarrja e deklaruar dje nga KQZ.
Sipas të dhënave dje kanë votuar 5166 qytetarë, ndërkohë që fituesi i kësaj bashkie është shpallur me 6223, pra 1067 vota më tepër.
Ndërkohë KQZ vijon të këmbëngulë se të dhënat për pjesëmarrjen ishin paraprake dhe s enuk ishin numëruar të gjitha QV. Këto kontradikta numerike janë shënuar çuditërisht në të paktën 10 bashki deri më tani.
