Kandidatët e Ramës që dolën fitues me më shumë vota se pjesëmarrja

Google+ Pinterest LinkedIn Tumblr +

Zgjedhjet e këtij viti kanë qenë zgjedhjet më të  çuditshme mund të themi. Kjo për faktin se edhe pse Partia Socialiste ka garuar e vetme në këto zgjedhje, sërish manipulimet kanë qenë prezente.

Një tjetër rast mbushje kutish në votimet monopartiake të Edi Ramës është zbuluar në Divjakë, pas rastit të Urës Vajgurore dhe Malësisë së Madhe.

Në faqen e KQZ ka pasur disa mospërputhje mes shifrave të votuesve dhe votuesve në disa nga bashkitë e vendit tonë.

Në bashki të tilla si Ura vajgurore, Lushnje, Divjakë, Bulqizë apo Vorë, rezulton se fituesi ka marrë më shumë vota sesa kishte persona që votuan.

Kështu në Urën Vajgurore sipas KQZ votuan 5900 persona, por fituesi Juliana Memaj kishte 7666 vota.

Në Lushnjë gjithashtu KQZ kishte deklaruar mbrëmë 27 243 votues, ndërsa Fatos Tushen, e kishte nxjerrë fitues me 28 086 vota.

Në Divjakë sipas KQZ votuan 13000 persona ndërsa fituesi Fredi Kokoneshi mori 13,513. Edhe në Vorë kishte mospërputhje mes votuesve dhe votave të fituesit. 6120 persona votuan sipas KQZ në Vorë, ndërsa Agim Kajmaku mori 6,208 vota.

Po kështu në Bulqizë ku nga 7500 votues, fituesi kishte marrë 7 529 vota.

Shpërndaje
Share.

Komento