Policia e Dibrës së bashku me qytetarët, kanë shpëtuar një kamion që po binte nga ura, duke shmangur kështu një tragjedi që mund të ndodhte.
Sipas një videoje të publikuar nga Policia e Dibrës, bëhet me dije se dje nga ora 18:00 deri në 23:30, policia dhe tre banorë të zonës i dhanë ndihmë një drejtuesi të një kamioni, i cili doli nga rruga dhe rrezikonte të binte në humnerë.
https://www.facebook.com/1502420603377639/videos/1097809097063172/?t=23
Mësohet se drejtuesi i kamionit ishte shtetas turk. Ngjarja ndodhi në vendin e quajtur “Ura e Doҫit”, ku kamioni doli nga ura e ngushtë.
Më pas Policia Rrugore e ka ndihmuar shtetasin turk deri në një qendër të banuar ku i siguruan atij ushqim dhe gjithashtu e ndihmuan për të riparuar dëmet e shkaktuara. Ndërsa ky i fundit, gjatë një interviste për një media, falenderoi policinë dhe banorët për ndihmën.
NJOFTIMI I PLOTË
Shërbimi dhe ndihma për qytetarët, prioriteti i punës sonë
Policia Rrugore e Dibrës në bashkëpunim me disa banorë të zonës, kanë ndihmuar dhe shpëtuar një drejtues kamioni i cili rrezikonte të binte nga ura.
Në vendin e quajtur ura e “Doçit” në Kastriot të Dibrës, nga ora 18:00 deri në orën 23:30, nga ana e shërbimeve të Policisë Rrugore dhe tre banorëve të zonës ju dha ndihmë një drejtuesi mjeti (shtetas turk), M.T, pasi mjeti i tij tip “kamion” doli nga rruga në një urë të ngushtë dhe rrezikonte të binte në humnerë.
Pas organizimit të punës nga Shefi i Trafikut Urban dhe Interurban, punonjës të Policisë Rrugore, të ndihmuar nga banorë të zonës, pavarësisht kohës të ftohtë e rreshjeve të shiut, i dhanë ndihmën e nevojshme dhe nxorrën mjetin.
Policia Rrugore e ka ndihmuar drejtuesin e mjetit deri në qendër të banuar, ku dhe morën masa për të ndihmuar drejtuesin e kamionit që të riparonte dëmin e shkaktuar, si dhe i siguruan atij ushqim e mbështetje deri në largimin e tij nga zona e Dibrës.
Shtetasi turk gjatë një interviste për një media shprehu falenderime për Policinë Rrugore dhe banorët për ndihmën e dhënë.
